අල්ලස් කොමිසමේ අධ්‍යක්ෂ ජනරාල් ඉල්ලා අස්වෙයි

අල්ලස් හෝ දූෂණ චෝදනා විමර්ශන කොමිසමේ අධ්‍යක්ෂ ජනරාල් කනිෂ්ක විජේරත්න මහතා එම ධූරයෙන් ඉල්ලා අස්විමේ ලිපිය ජනාධිපති අනුර කුමාර දිසානායක මහතාට අද (07) භාරදී ඇත.

අධිකරණ සේවයට යළි එක්වීමට ඇති කැමැත්ත නිසා විජේරත්න මහතා එම ධූරයෙන් ඉල්ලා අස්වී ඇතැයි වාර්තාවේ. අල්ලස් කොමිසමේ අධ්‍යක්ෂ ජනරාල් කනිෂ්ක විජේරත්න මහතාගේ පත්කිරීම නීතියට මෙන්ම ව්‍යවස්ථාවට පටහැනි බව සඳහන් කරමින් මාධ්‍යවේදිනියක් සහ රාජ්‍ය නොවන සංවිධානයක් විසින් පෙත්සමක් පවරා ඇති පසුබිමක කනිෂ්ක විජේරත්න මහතා අල්ලස් කොමිසමේ අධ්‍යක්ෂ ජනරාල් ධූරයෙන් ඉල්ලා අස්විමේ ලිපිය ජනාධිපතිවරයා වෙත මෙලෙස භාරදී ඇත.

ජනාධිපති ලේකම් කාර්යාලයේදී ජනාධිපති අනුර කුමාර දිසානායක මහතා හමුවු කනිෂ්ක විජේරත්න මහතා සිය ඉල්ලා අස්විමේ ලිපිය භාරදී ඇති බව වාර්තාවේ.