රජය විසින් ඔක්තෝබර් මාසයේ සිට ශ්රී ලාංකිකයින් හට කාර්යක්ෂම හා ආරක්ෂාකාරී නව E ගමන් බලපත් ලබාදීම ආරම්භ කරන බව මහජන ආරක්ෂක අමාත්ය ටිරාන් අලස් පවසයි. ඒ අනුව, ඔක්තෝබර් මාසය දක්වා දිනකට ගුවන්ගමන් බලපත්ර දහසක් පමණක් නිකුත් කරන බව ඇමතිවරයා කියා සිටියි. ඇමතිවරයා ඒබව කියා සිටියේ, කොළඹ ඊයේ (09) පැවැති මාධ්ය හමුවකදී ය."අවුරුදු 23ක් එකම සපයන්නෙකුගෙන් නැවත නැවත ඇණවුම් කළා. මේ වතාවෙත් නැවත ඇණවුමක් ආවා. මම කිව්වා එහෙම බෑ ටෙන්ඩර් කැඳවන්න කියලා.ඒ අනුව සමාගමකට ටෙන්ඩරය ලැබුණා. මාස දෙකක් පමණ ප්රමාද වුණා ලංකාවේ තියෙන නීතිය අනුව, ඒ වැඩ කරන්න. ඒ ප්රමාදය තමයි ප්රශ්නයක් වුණේ. ඒ නිසා තමයි පාස්පෝට් නිකුත් කරන එක සීමා කරන්න වුණේ. අත්යවශ්ය අයට විතරක් ඔක්තෝබර් වෙනකල් දෙන්න. අපි දිනකට 900ක් නිකුත් කරනවා. නමුත් 1,000ක් වෙනකල් හදිසියේ එන ඒවට ඉඩ තියලා තියෙනවා. ''''මෙතෙක් නිකුත් කළ ගුවන්ගමන් බලපත්රවලින් 23%යි භාවිත කරලා තියෙන්නේ. අනෙක් පාස්පෝට් ගත්තට පාවිච්චි කරලා නැහැ. ''''අපි ටෙන්ඩරය කැඳවූවේ E - PASSPORT එකට. පරණ පොතට ඩොලර් 5.89ක් ගෙව්වා. අලුත් ගුවන්ගමන් බලපත්රය අපිට වෙන්නේ ඩොලර් 5.5යි". යයි ද අමාත්යවරයා පැවසිය.
''මම ජනතාවගෙන් ඉල්ලීමක් කරනවා අත්යවශ්ය නම් විතරක් මේ මාස දෙකේ පාස්පෝට් එක ගන්න. එහෙම නැත්නම් ඔක්තෝබර් වෙනකල් ඉන්න අලුත්ම පාස්පෝට් එකක් ඔක්තෝබර් මාසයේ ලැබෙනවා.'' - ඇමති ටිරාන් අලස්
コメント