ජනපතිවරණය හබලක් නැති ඔරුවක් - ගීතා කියයි

ජනපති අපේක්ෂකයින් කොතරම් පම්පෝරි ගැසුවත් කාන්තා නියෝජනයක් නැතිවීම දැඩි කනගාටුවට කරුණක් බව කොළඹදී විශේෂ මාධ්‍ය හමුවක් කැඳවමින් ළමා සහ කාන්තා කටයුතු ඇමතිනී ගීතා කුමාරසිංහ කීවාය.

පාර්ලිමේන්තුවේ දී පවා උජාරුවෙන් පක්ෂ නායකයින් කාන්තාවනට නිසි තැන, සම තැන දිය යුතු යැයි  කතා කළ ද පාර්ලිමේන්තුවේද 6%ට අඩු කාන්තා නියෝජනයක් සිටින බවද රාජ්‍ය අමාත්‍යවරිය කියා සිටියේය.සියලු පක්ෂ නායකයින් රටක කාන්තා අයිතිවාසිකම් පිළිබදව මීට වඩා උනන්දු විය යුතු බව කී රාජ්‍ය අමාත්‍යවරිය, මෙවර ද කාන්තා නියෝජනයක් නොමැති ජනපති ධූර අපේක්ෂක ලයිස්තුව හබලක් නැති ඔරුවක් වැනි යැයිද කීවාය.