තම කීර්තිනාමයට හානියක් සිදුවුයේ යැයි රුපියල් මිලියන 200 ක මුදලක් වන්දි ලෙස ගෙවන ලෙස දන්වමින් ආණ්ඩු පක්ෂ ප්‍රධාන සංවිධායක, නාගරික සංවර්ධන හා නිවාස අමාත්‍ය ප්‍රසන්න රණතුංග විසින් පාර්ලිමේන්තු මන්ත්‍රී දයාසිරි ජයසේකර වෙත එන්තරවාසියක් යොමු කර තිබෙනවා.
ඒ තමන්ට ලැබුණු සුරා බදු බලපත්‍රයක් ගම්පහ, මාකේවිට ප්‍රදේශයේ පදිංචි සුරා බදු නිලධාරියෙකුගේ නමට නිකුත් කර ඇති බවට පාර්ලිමේන්තු මන්ත්‍රී දයාසිරි ජයසේකර සිදුකළ ප්‍රකාශය සාවද්‍ය බව පවසමින්.
මෙම එන්තරවාසි යොමු කරමින් අමාත්‍යවරයා, මන්ත්‍රීවරයාට දැනුම් දී ඇත්තේ අදාළ වන්දි මුදල දින 14 ඇතුළත නොගෙවන්නේ නම් එම මුදල හා ඒ මත නෛතික පොලියද, නඩු ගාස්තු අය කරමින් නඩු පවරන බවයි.
පාර්ලිමේන්තු මන්ත්‍රී දයාසිරි ජයසේකර විසින් සිදුකළ මෙම ප්‍රකාශය සම්බන්ධයෙන් තම සේවා දායකයා සුරාබදු කොමසාරිස් ජෙනරාල්වරයාගෙන් විමසා තිබෙනවා.
එහිදී තම සේවාදායකයාගේ නමින් හෝ ඔහුගේ නිර්දේශ මත වෙනත් අයකුට කිසිදු සුරාබදු බලපත්‍රයක් නිකුත් කර නොමැති බවත් තම සේවාදායකයා සහතික වී ඇති බවත් අමාත්‍යවරයාගේ නීතීඥ නදීෂ හෙට්ටිආරච්චි යවා ඇති එන්තරවාසියේ සඳහන් බවද වාර්තා වනවා.
Yorumlar