ඊශ්රායලයට ප්රහාර එල්ල කිරීමෙන් වළකින ලෙසට
කළ ඉල්ලීම දේශපාලන තාර්කිකභාවය අඩුකමින් කරන ලද ඉල්ලීමක් බව කියමින් ප්රතික්ෂේප කළ ඉරානය, ඊශ්රායලය වැළැක්වීමට තමන් අදිටන් කර ඇති බව ප්රකාශ කළේය.
ඉකුත් මාසයේදී ඊශ්රායලය විසින් ඉරානයේ අගනුවර වන ටෙහෙරාන්හිදී හිටපු හමාස් නායක ඉස්මයිල් හනියේ ඝාතනය කිරීමෙන් අනතුරුව ඉරානය, ඊශ්රායලය වෙත කරන තර්ජන නතර කරන්නැයි ප්රංශය, ජර්මනිය සහ බ්රිතාන්ය විසින් ඉල්ලා සිටියේය. ඉරාන විදේශ කටයුතු අමාත්යාංශයේ මාධ්ය ප්රකාශක නසර් කනානි නිවේදනයක් නිකුත් කරමින් යුරෝපීය නායකයන්ගේ ඉල්ලීම දේශපාලන තාර්කිකභාවයේ අඩුකමක් සහ ජාත්යන්තර මූලධර්ම සමඟ ගැටෙන්නක් බව පැවැසීය. එසේම ඊශ්රායලය වෙත ප්රසිද්ධියේ සහ ප්රායෝගික ලෙස සහාය ලබාදෙන්නක් බවද පැවැසීය.
එකී රටවල් යුද අපරාධයන්ට විරෝධයක් නොදක්වා ඊශ්රායලයට ප්රතිචාර නොදක්වන ලෙස විලිලජ්ජා නොමැති ආකාරයෙන් මෙවැනි ඉල්ලීමක් කර ඇති අතර එය ඉරානයේ ස්වාධිපත්ය අයිතිය සහ ඒකීයත්වය උල්ලංඝනය කිරීමක් බවද නසෙර් කනානි වැඩිදුරටත් පවසා ඇත.
Comments