ශ්රී ලංකා නිදහස් පක්ෂය නියෝජනය කරමින් 2020 මහමැතිවරණයේදී ශ්රී ලංකා පොදුජන පෙරමුණේ ගම්පහ දිස්ත්රික් පාර්ලිමේන්තු මන්ත්රීවරියක ලෙස පාර්ලිමේන්තුවට පිවිසි පාර්ලිමේන්තු මන්ත්රිනී විශේෂඥ වෛද්ය සුදර්ශනී ප්රනාන්දුපුල්ලේ ඉදිරි ජනාධිපතිවරණයේදී විපක්ෂ නායක සජිත් ප්රේමදාස සිය සහය ලබා දීමට තීරණය කර තිබෙනවා.
අද (11) පෙරවරුවේ සමගි ජන බලවේගයේ නායක, විපක්ෂ නායක සජිත් ප්රේමදාස හමුවී ඇය තම සහය පල කර ඇති බව සඳහන්.
විපක්ෂ නායක කාර්යාලයේදී මෙම හමුව සිදු වුණා.
කීර්තිමත් දේශපාලනඥයකු වූ ගම්පහ දිස්ත්රික්කයෙන් පාර්ලිමේන්තුව නියෝජණය කළ අමාත්ය ජෙයරාජ් ප්රනාන්දුපුල්ලේගේ බිරිඳ වන ඇය නියෝජ්ය අමාත්ය ධුර රැසක්ම දරා ඇති අතර පසුගිය රජය යටතේ ප්රාථමික සෞඛ්ය සේවා, වසංගත රෝග හා කොවිඩ් රෝග පාලන කටයුතු රාජ්ය අමාත්ය ධූරයේද කටයුතු කරනු ලැබුවා.
Comments