CNN නිර්මාතෘ ටෙඩ් ටර්නර් අභාවප්‍රාප්ත වෙයි

ලොව ප්‍රථම පැය 24 පුරා ක්‍රියාත්මක පුවත් නාලිකාව වන CNN ජාලය ආරම්භ කරමින් රූපවාහිනී පුවත් කලාවේ විප්ලවීය වෙනසක් සිදුකළ ටෙඩ් ටර්නර් අභාවප්‍රාප්ත වී තිබෙනවා.

මියයන විට එතුමන් 87 වැනි වියෙහි පසුවුණා.

ඔහියෝහි උපත ලබා ඇට්ලන්ටාහි ව්‍යාපාරිකයෙකු ලෙස ප්‍රසිද්ධ වූ ඔහු, තමන්ට රිසි දේ නොපැකිළිව ප්‍රකාශ කිරීම නිසා "ද මවුත් ඔෆ් ද සවුත්" (The Mouth of the South) යන අන්වර්ථ නාමයෙන්ද හැඳින්වූවා.

ඔහු කේබල් රූපවාහිනී ක්ෂේත්‍රයේ ප්‍රථම 'සුපර් ස්ටේෂන්' එක මෙන්ම චිත්‍රපට සහ කාටුන් සඳහා ජනප්‍රිය නාලිකා සහ ඇට්ලන්ටා බ්‍රේව්ස් (Atlanta Braves) වැනි වෘත්තීය ක්‍රීඩා කණ්ඩායම් ඇතුළත් මාධ්‍ය අධිරාජ්‍යයක් ගොඩනඟනු ලැබුවා.

ටර්නර් ජාත්‍යන්තරව පිළිගත් යාත්‍රා පදවන්නෙකු, එක්සත් ජාතීන්ගේ පදනම (United Nations Foundation) පිහිටුවූ පරාර්ථකාමියෙකු මෙන්ම ලොව පුරා න්‍යෂ්ටික අවි තුරන් කිරීමට වෙහෙස වූ ක්‍රියාකාරිකයෙකු ද වූවා.