ඉදිරි දිනවලදී ලංකාවට තද වැසි

ඉදිරි දින කිහිපය තුළ ශ්‍රී ලංකාවේ කොළඹ ඇතුළු ප්‍රදේශවලට තද වැසි ඇද හැලෙන බව BBC කාලගුණය පුරෝකථනය කර තිබෙනවා. බෙංගාල බොක්ක හරහා ඇති වලාකුළක් මෙම සතියේ කුණාටුවක් දක්වා වර්ධනය විය හැකි බවයි සඳහන් වෙන්නේ.

කුණාටුව බටහිර දෙසට ක්‍රමයෙන් ගමන් කරනු ඇති බවත්, සඳුදා අවසාන අදියරේ දී සහ අඟහරුවාදා දක්වා ශ්‍රී ලංකාවේ සමහර ප්‍රදේශ හරහා තද වර්ෂාවක් ඇති කරනු ඇති බවයි BBC කාලගුණය පුරෝකථනය කරන්නේ. වැසි සහිත කාලගුණික තත්ත්වය ශ්‍රී ලංකාව දෙසට ගමන් කරමින් සිටින බවත්, රට වරින් වර අස්ථාවර තද වැසි කරා ගමන් කරන බවයි වැඩිදුරටත් සඳහන් වෙන්නේ.