ලංකා ප්‍රිමියර් ලීග් තරගාවලිය සඳහා ලියාපදිංචි අනිද්දා සිට

ලංකා ප්‍රිමියර් ලීග් තරගාවලිය සඳහා විදේශ ක්‍රීඩකයන් ලියාපදිංචි කිරීම අනිද්දා (08) සිට ආරම්භ කිරීමට නියමිතව තිබෙනවා. ඒ අනුව, ලබන 18 වැනිදා දක්වා මේ සඳහා ලියාපදිංචි විය හැකි බවයි ශ්‍රී ලංකා ක්‍රිකට් ආයතනය නිවේදනයක් නිකුත් කරමින් සඳහන් කරන්නේ.

ශ්‍රී ලංකා ක්‍රිකට් ආයතනයේ නිල වෙබ් අඩවිය වන www.srilankacricket.lk හරහා මෙම මාර්ගගත ලියාපදිංචි වීමේ අවස්ථාව විදේශ ක්‍රීඩකයන් සඳහා විවෘතව පවතිනවා.

LPL තරගාවලිය ලබන ජූලි 10 වැනිදා සිට අගෝස්තු 05 වැනිදා දක්වා පැවැත්වීමට නියමිත බවයි ශ්‍රී ලංකා ක්‍රිකට් ආයතනය වැඩිදුරටත් සඳහන් කර සිටියේ.