ශ්‍රී ලංකාව ඇතුළු රටවල් 60කින් ආනයනය කරන භාණ්ඩ සඳහා සියයට 10 සිට සියයට 12.5 දක්වා අතිරේක ආනයන බදු පැනවීමට අමෙරිකානු පරිපාලනය යෝජනා කර තිබේ. බලහත්කාර ශ්‍රමය (Forced Labor) භාවිතයෙන් නිෂ්පාදිත භාණ්ඩ ආනයනය වැළැක්වීම සඳහා ප්‍රමාණවත් ක්‍රියාමාර්ග නොගැනීම සහ එමගින් අමෙරිකානු වෙළෙඳ කටයුතුවලට අසාධාරණ බලපෑම් එල්ල වන බව පෙන්වා දෙමින් මෙම යෝජනාව ඉදිරිපත් කර ඇති බව විදෙස් මාධ්‍ය වාර්තා කරයි. ඒ අනුව, කැනඩාව, මෙක්සිකෝව, පකිස්තානය, බංග්ලාදේශය, මැලේසියාව ඇතුළු රටවල් කිහිපයකින් ආනයනය කරන භාණ්

හෝමුස් සමුද්‍ර සන්ධිය නැවත විවෘත කිරීම වෙනුවෙන් ඉරානයට පනවා ඇති සම්බාධක ලිහිල් කිරීමට ජනාධිපති ඩොනල්ඩ් ට්‍රම්ප්ගේ සාකච්ඡා කණ්ඩායම කිසිදු යෝජනාවක් ඉදිරිපත් කර නොමැති බව අමෙරිකානු රාජ්‍ය ලේකම් මාර්කෝ රුබියෝ ප්‍රකාශ කර තිබෙනවා. එමෙන්ම ඕනෑම සම්බාධක ලිහිල් කිරීමක් ටෙහෙරානය ඔවුන්ගේ න්‍යෂ්ටික වැඩසටහන අත්හැරීම මත පදනම් වන බවයි ඔහු අවධාරණය කර ඇත්තේ. යුද්ධය ආරම්භ වූ දා සිට ප්‍රථම වතාවට කොංග්‍රස් මණ්ඩලය හමුවේ ප්‍රසිද්ධියේ සාක්ෂි දෙමින් රුබියෝ කියා සිටියේ, ඉරානයට සම්බාධක ලිහිල් කිරීමක් හ

ඇඹිලිපිටිය ප්‍රදේශයේ ඇඟලුම් කර්මාන්ත ශාලාවක අද (03) පෙරවරුවේ ඇති වූ ගින්නකින්, එහි සේවිකාවන් 22 දෙනෙකු පමණ රෝහල්ගත කර තිබෙනවා. ඇඹිලිපිටිය, නෝනාගම, සුදුපාලම අසල පිහිටි රෙදිපිළි කර්මාන්ත ශාලාවක ගබඩාවක් තුළ මෙම ගින්න හටගෙන ඇති බවයි පොලිසිය සඳහන් කළේ. සෙවනගල ගිනි නිවන ඒකකය විසින් ගින්න මැඩ පැවැත්වීම සඳහා කටයුතු කරමින් සිටින අතර, ගින්නට හේතුව මෙතෙක් අනාවරණය වී නොමැති බවයි වැඩිදුරටත් වාර්තා වන්නේ.

ලොව විශාලතම නිදහස් වෙළෙඳ ගිවිසුම වන RCEP (Regional Comprehensive Economic Partnership) සංවිධානයේ සාමාජිකත්වය ලබා ගැනීම සඳහා වන රාජ්‍යතාන්ත්‍රික පියවර ශ්‍රී ලංකාව විසින් සාර්ථකව ආරම්භ කර ඇති බව විදේශ කටයුතු අමාත්‍ය විජිත හේරත් පවසනවා. සිය ඔස්ට්‍රේලියානු සහ නවසීලන්ත නිල සංචාරය අවසන් කරමින්, කැන්බරා නුවර පිහිටි ශ්‍රී ලංකා මහ කොමසාරිස් කාර්යාලයේදී අදහස් දක්වමින් අමාත්‍යවරයා මේ බව සඳහන් කළා. මෙම සංචාරය අතරතුර දී, RCEP සංවිධානයේ ප්‍රධාන සාමාජිකයන් දෙපළක් වන ඔස්ට්‍රේලියාව සහ නවසීලන්

ඉදිරියේ දී ඇති විය හැකි එල්නිනෝ තත්ත්වයක් පිළිබඳව එක්සත් ජාතීන්ගේ කාලගුණ විද්‍යා ඒජන්සිය අනාවැකි පළ කර තිබේ. එල්නිනෝ යනු මධ්‍යම සහ නැගෙනහිර පැසිෆික් සාගරයේ මුහුදු මතුපිට උෂ්ණත්වය වරින්වර ඉහළ යාමේ ස්වභාවික සංසිද්ධියක් වන අතර එය සාමාන්‍යයෙන් මාස 9ත් 12ත් අතර කාලයක් පවතින බව ලෝක කාලගුණ විද්‍යා සංවිධානය සඳහන් කර සිටී. සාගර ජලය උණුසුම් වීම එල්නිනෝ තත්ත්වයේ වර්ධනයට හේතු වී ඇති බවත් ඒ හේතුවෙන් ජූනි සිට අගෝස්තු දක්වා කාලය තුළ ලෝකයේ බොහෝ ප්‍රදේශවල සාමාන්‍ය අගයට වඩා වැඩි උෂ්ණත්වයක් පවත

රුසියාව විසින් යුක්‍රේනයේ නගර රැසකට ප්‍රහාර එල්ල කර ඇතැයි විදෙස් මාධ්‍ය වාර්තා කර තිබේ. ප්‍රහාරවලින් අවම වශයෙන් පුද්ගලයින් 9 දෙනෙකු මිය ගොස් තවත් පුද්ගලයින් රැසක් තුවාල ලබා ඇති බවත් සඳහන් වේ. පසුගිය මාසයේදී යුක්‍රේනයේ රුසියානු පාලන ප්‍රදේශයේ ලුහාන්ස්ක් කලාපයේ නේවාසිකාගාරයකට එල්ල වූ ඩ්‍රෝන ප්‍රහාරයකින් පුද්ගලයින් 21 දෙනෙකු ජීවිතක්ෂයට පත්වීමට ප්‍රතිචාර වශයෙන් යුක්‍රේනයට ප්‍රහාර දියත් කරන බවට රුසියාව විසින් මින් අනතුරු අඟවා තිබුණි. විදෙස් මාධ්‍ය වාර්තා හී සඳහන් ව ඇත්තේ රුසියාව ව

දිවයිනේ ප්‍රදේශ කිහිපයකින් මෙනින්ජයිටීස් බවට සැක රෝගීන් 237 දෙනෙකු වාර්තා වී ඇති බව වසංගත රෝග විද්‍යා අංශය පවසනවා. මේ අතර, වසරේ මේ දක්වා කාලය ඩෙංගු රෝගීන් 33,572ක් සහ මරණ 19ක් වාර්තා වී ඇති බව ජාතික ඖෂධ නියාමන අධිකාරියේ සභාපති, විශේෂඥ වෛද්‍ය ආනන්ද විජේවික්‍රම ප්‍රකාශ කළා. රෝගීන්ගෙන් සියයට 50කට අධික සංඛ්‍යාවක් බස්නාහිර පළාතෙන් වාර්තා වන අතර කොළඹ, ගම්පහ සහ කුරුණෑගල දිස්ත්‍රික්කවලින් රෝගීන් වැඩි වශයෙන් වාර්තා වී තිබුණා. එවන් පසුබිමක සෞඛ්‍ය අමාත්‍යාංශය නිවේදනය කළේ, මේ මස 08, 09 ස

ජාතික ක්‍රීඩා සංගම් තුනක ලියාපදිංචිය තාවකාලිකව අත්හිටුවමින්, එම සංගම්වල පාලනය තරුණ කටයුතු හා ක්‍රීඩා අමාත්‍යාංශ ලේකම්වරයා යටතට පැවරීමට අදාළ ගැසට් නිවේදනය තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ මහතා විසින් නිකුත් කර තිබේ. ඒ අනුව සංශෝධිත 1973 අංක 25 දරන ක්‍රීඩා පනතේ 32 සහ 33 වගන්ති ප්‍රකාරව තමන් වෙත පැවරී ඇති බලතල අනුව අමාත්‍යවරයා විසින් මෙම තීරණය ගෙන ඇති අතර, ඊට අදාළ අතිවිශේෂ ගැසට් නිවේදනය (අංකය 2489/48) ප්‍රකාශයට පත් කර ඇත. ඒ අනුව ලියාපදිංචිය තාවකාලිකව අත්හිටුවා ඇත

අමෙරිකාවේ ඉලිනොයිස් ප්‍රාන්තයට මායිම්ව, මිසිසිපි ගඟ අසල පිහිටි අයෝවා ප්‍රාන්තයේ Muscatine වරාය නගරයේ ස්ථාන කිහිපයක සිදු වූ වෙඩි තැබීම් මාලාවකින් මෙලෙස පුද්ගලයන් හයදෙනෙකු ජීවිතක්ෂයට පත්ව ඇති බව එරට පොලීසිය සනාථ කර තිබේ. ප්‍රහාරය එල්ල කළ තුවක්කුකරු ද වෙඩි තබාගෙන සියදිවි නසාගෙන ඇති බව සඳහන් වේ. මෙම ප්‍රචණ්ඩකාරී වෙඩි තැබීම සම්බන්ධයෙන් සිදුකළ මූලික විමර්ශනවලදී මෙය පවුල් ආරවුලක් මත හටගත් එකක් බවට අනාවරණය වී ඇති බව බව එරට පොලීසිය වැඩිදුරටත් පවසා ඇති බව වාර්තා වේ.

රට තුළ පවතින මහජන හදිසි අවස්ථා තත්ත්වය තවදුරටත් දීර්ඝ කරමින් අති විශේෂ ගැසට් නිවේදනයක් නිකුත් කර තිබෙනවා. මහජන ආරක්ෂක ආඥා පනත යටතේ ජනාධිපති අනුර කුමාර දිසානායක වෙත පැවරී ඇති බලතල ප්‍රකාරව, මැයි 28 වන දින සිට ක්‍රියාත්මක වන පරිදි මෙම ගැසට් නිවේදනය නිකුත් කර ඇති බවයි සඳහන් වන්නේ. අදාළ ගැසට් නිවේදනය පහතින් දැක්වේ.

ප්‍රවාහන, මහාමාර්ග හා නාගරික සංවර්ධන අමාත්‍යාංශයේ ලේකම් මහාචාර්ය කපිල පෙරේරා මහතා සිය ධුරයෙන් ඉල්ලා අස්වීමට තීරණය කර ඇති බව වාර්තා වේ. ශ්‍රේෂ්ඨාධිකරණය විසින් අමාත්‍යාංශයේ ජ්‍යෙෂ්ඨ නිලධාරියකුගේ මූලික අයිතිවාසිකම් උල්ලංඝනය වී ඇති බවට ඔහුට එරෙහිව තීන්දුවක් ලබාදී ඇති පසුබිමක ඔහු මෙම තීරණය ගැනීම සුවිශේෂීය. මේ අතර කපිල පෙරේරා මහතා සිය තීරණය සම්බන්ධයෙන් ජනාධිපති අනුර කුමාර දිසානායක මහතාවද දැනුම්වත් කර ඇති බවත්, ලේකම් ධුරයෙන් ඉවත් වන බව රාජ්‍ය පරිපාලන, පළාත් සභා හා පළාත් පාලන අමාත්‍ය

එළඹෙන බටහිර ඉන්දීය කොදෙව් සංචාරය සඳහා වන ශ්‍රී ලංකා ක්‍රිකට් සංචිත, ශ්‍රී ලංකා ක්‍රිකට් ආයතනය විසින් නම් කර තිබෙනවා. ඒ අනුව එක්දින සහ විස්සයි විස්ස කණ්ඩායම්වල නායකත්වය කුසල් මෙන්ඩිස්ට හිමිව ඇති අතර, එහි උප නායකත්වය කමිඳු මෙන්ඩිස්ට හිමිව තිබෙනවා. එම එක්දින සහ විස්සයි විස්ස සංචිත දෙක සඳහා ක්‍රීඩකයන් 16 දෙනා බැගින් ඇතුළත්ව සිටින බවයි වාර්තා වන්නේ. එසේම ධනංජය ද සිල්වාගේ නායකත්වයෙන් යුතු ටෙස්ට් සංචිතය ද නම් කර ඇති අතර ක්‍රීඩකයන් 17 දෙනකු එම සංචිතයට ඇතුළත් වනවා.

2022 වසරේ ගාලු මුවදොර ‘ගෝඨාගෝගම’ අරගලයට පහරදීමේ සිද්ධිය සම්බන්ධයෙන් සිදු කරන විමර්ශනවලට අදාළව, හිටපු පොලිස්පති දේශබන්දු තෙන්නකෝන්ට එරෙහිව මාසයක් ඇතුළත අධිචෝදනා ගොනු කිරීමට අපේක්ෂා කරන බව නීතිපතිවරයා විසින් ඊයේ (25) ශ්‍රේෂ්ඨාධිකරණයට දැනුම් දී තිබෙනවා. අදාළ සිද්ධියේ සැකකරුවකු ලෙස දේශබන්දු තෙන්නකෝන් නම් කරන ලෙස නීතිපතිවරයා විසින් අපරාධ පරීක්ෂණ දෙපාර්තමේන්තුව වෙත යොමු කළ ලිපියක් බල රහිත කරමින් අභියාචනාධිකරණය දුන් තීන්දුවකට එරෙහිව, නීතිපතිවරයා විසින් ඉදිරිපත් කළ ඇපෑලක් කැඳවූ අවස්ථ

දූෂණ චෝදනාවක් සම්බන්ධයෙන් හිටපු නියෝජ්‍ය අමාත්‍ය සරණ ගුණවර්ධන මහතාට එරෙහිව අල්ලස් කොමිසම විසින් ගොනු කර තිබූ නඩු හතරක තීන්දු අද (26) ප්‍රකාශයට පත් කිරීමට නියමිතව ඇත. පසුගිය අප්‍රේල් 30වනදා මෙම නඩුවල තීන්දු කොළඹ මහාධිකරණ විනිසුරු මොහොමඩ් මිහායිල් මහතා විසින් ප්‍රකාශයට පත් කිරීමට නියමිතව තිබුණි. කෙසේවෙතත් විනිසුරුවරයා එදින නිවේදනය කළේ මෙම නඩු වල තීන්දු ප්‍රකාශයට පත් කිරීම මැයි මස 26 වනදා සිදු කරන බවය. 2006 වසරේ ජාතික ලොතරැයි මණ්ඩලයේ සභාපතිවරයා වශයෙන් කටයුතු කරමින් සිටියදී එම

එක්දින ප්‍රතිපත්ති පොලී අනුපාතය 8.75%ක් දක්වා පදනම් අංක 100කින් වැඩි කිරීමට ශ්‍රී ලංකා මහ බැංකුව තීරණය කර තිබේ. ඊයේ (25) දින පැවති මුදල් ප්‍රතිපත්ති මණ්ඩල රැස්වීමේ දී මේ බව තීරණය කර ඇත. දේශීය හා ගෝලීය වශයෙන් පවතින තත්ත්වයන් සහ ඉදිරියේ ඇති විය හැකි තත්ත්වයන් පිළිබඳ හොඳින් සලකා බැලීමෙන් පසුව මුදල් ප්‍රතිපත්ති මණ්ඩලය මෙම තීරණයට එළැඹුණු බව ශ්‍රී ලංකා මහ බැංකුව නිවේදනය කරයි. මේ වසරේ මාර්තු මාසය තුළ දී එක්දින ප්‍රතිපත්ති පොලී අනුපාතය 7.75% ලෙස පවත්වාගෙන යෑමට ශ්‍රී ලංකා මහ බැංකුව ත

ශ්‍රී ලංකාවේ විදේශ කටයුතු, විදේශ රැකියා හා සංචාරක අමාත්‍ය විජිත හේරත් මහතාගේ සහභාගීත්වයෙන් පැවැත්වෙන විශේෂ විවෘත සංවාද වැඩසටහන මැයි 31 දා ඔස්ට්‍රේලියාවේ මෙල්බර්න් නුවරදී පැවැත්වීමට කටයුතු සූදානම් කර තිබේ. “ශ්‍රී ලංකාවේ හෙට දවස” යන තේමාව යටතේ මෙල්බර්න් වෙසෙන ශ්‍රී ලාංකික ප්‍රජාව විසින් මෙම විශේෂ හමුව සංවිධානය කරනු ලබයි. මව්බිමේ අනාගතය, ජාතික ප්‍රගතිය මෙන්ම විදේශගත ශ්‍රී ලාංකික ප්‍රජාව සතු අදහස් සහ ඔවුන්ගේ සෘජු දායකත්වය රටේ ඉදිරි ගමනට ලබාගත හැකි ආකාරය පිළිබඳව මෙහිදී සාකච්ඡා කරය

නිල වාහන අංක තහඩු මේ දක්වා නිකුත් කර නොමැති වුව ද, ප්‍රමිතිය විකෘති කරන ලද අංක තහඩු සවිකර රථවාහන ධාවනය කළ නොහැකි බව රථවාහන පාලන හා මාර්ග ආරක්ෂාව දිසාව භාර නියෝජ්‍ය පොලිස්පති ඩබ්ලිව්.පී.ජේ. සේනාධීර පවසනවා. වාහනයක ඉදිරිපස අංක තහඩුව සුදු පැහැති පසුබිමක කළු පැහැති අකුරෙන් ද, පසුපස අංක තහඩුව කහ පැහැති පසුබිමක කළු පැහැති අකුරෙන් ද තිබිය යුතු බවයි මාධ්‍ය වෙත අදහස් දක්වමින් නියෝජ්‍ය පොලිස්පතිවරයා සඳහන් කළේ. අලුතින් ගෙන්වන ලද වාහනවල හිමියන්, වාහනයේ වර්ණයට ගැළපෙන පරිදි විවිධ වර්ණවලින්

ඉරානය සමග සාකච්ඡා කර ඇති ගිවිසුම අවසන් අදියරේ පවතින බැවින් එහි කොටසක් ලෙස හෝමූස් සමුද්‍ර සන්ධිය විවෘත කරන බවට අමෙරිකානු ජනාධිපති ඩොනල්ඩ් ට්‍රම්ප් සිදුකළ ප්‍රකාශයත් සමග ආසියානු බොර තෙල් මිල කැපී පෙනෙන ලෙස අඩුවී තිබේ. ඒ අනුව අද (25) උදෑසන වනවිට බ්‍රෙන්ට් මිල 5%කින් පහළ ගොස් ඩොලර් 97.90ක් වී ඇත. එමෙන්ම අමෙරිකානු WTI බොරතෙල් මිල 5.3%කින් පහළ ගොස් ඩොලර් 90.93ක් ලෙස සටහන්ව තිබේ. කෙසේ නමුත් මර්බන් බොරතෙල් මිල 0.06%කින් ඉහළගොස් ඩොලර් 102.21ක් වී ඇත. මේ හේතුවෙන් ආසියානු කොටස් වෙළෙඳපො

මහත් ආන්දෝලනයකට තුනු දුන් යාපනයේ සිවලෝගනාදන් විද්‍යා නම් දැරිය දූෂණය කර මරා දැමීමේ චෝදනාව සම්බන්ධයෙන් මරණ දඬුවම නියම වී රක්ෂිත බන්ධනාගාර ගතව සිටි වරදකරුවෙකු සියදිවි නසාගෙන ඇතැයි වාර්තා වේ. මෙලෙස සියදිවි නසාගෙන ඇත්තේ පූබාලසිංහම් ජෙයකුමාර් නම් 46 හැවිරිදි අයෙක් බව සඳහන්ය. ඔහු යාපනය බන්ධනාගාරයේ රඳවා තිබූ අතර, ඊයේ (24) රාත්‍රියේ සියදිවි නසාගෙන ඇතැයි බන්ධනාගාර දෙපාර්තමේන්තුව සඳහන් කළේය. 2015 වසරේ මහත් ආන්දෝලනයකට තුඩු දුන් මෙම සිද්ධිය සම්බන්ධයෙන් ත්‍රිපුද්ගල මහාධිකරණ විනිසුරු මඩුල්

කොන්ග්‍රස් මණ්ඩලයෙන් පැහැදිලි අනුමැතියක් නොලැබුනහොත්, ඉරානයේ හමුදා මෙහෙයුම නතර කිරීම සඳහා වන යුද බලතල යෝජනාවක් අමෙරිකානු සෙනෙට් මණ්ඩලය ඉදිරිපත් තිබෙනවා. මෙම ව්‍යවස්ථාදායක පියවර ජනපති ට්‍රම්ප්ගේ විධායක බලයට එල්ල වූ සෘජු අභියෝගයක් වන අතර, සෙනෙට් මණ්ඩලය මෙවැනි පියවරකට පක්ෂව ඡන්දය ප්‍රකාශ කළ පළමු අවස්ථාව මෙයයි. මෙම ඡන්ද විමසීමේ ඇති දේශපාලන වැදගත්කම කෙසේ වුවත්, මෙම යෝජනාව බලාත්මක වීම සඳහා තවමත් නියෝජිත මන්ත්‍රී මණ්ඩලයේ (House of Representatives) බහුතර කැමැත්ත අවශ්‍යවන බව සඳහන්.