හැටන් දක්වා ධාවනය වූ බස් රථයක් අනතුරට ලක්වීමෙන් පුද්ගලයෙකු ජීවිතක්ෂයට

ඩයගම සිට හැටන් දක්වා ධාවනය වූ පෞද්ගලික බස් රථයක් මාර්ගයෙන් ඉවතට පැන අනතුරට පත් විමෙන් එක් අයකු මියගොස් 22 දෙදෙනකු රෝහල් ගත කර ඇතැයි හැටන් පොලිසිය පවසනවා.

මෙම අනතුරින් තුවාල ලැබූවන් මේ වන විට දික්ඔය මූලික රෝහලේ ප්‍රතිකාර ලබන බවද පොලිසිය සඳහන් කරනවා.

අනතුරින් තුවාල ලැබූවන් අතර එම බස් රථයේ ගමන් ගත් පාසල් ළමුන් ඇතුලු 22 දෙදෙනකු තුවාල ලබා ඇතැයි ද පොලිසිය පවසනවා. ‍ අද (29) පස්වරු 3:00ට පමණ මෙම අනතුර සිදු වී ඇත්තේ හැටන් ෆොඩයිස් හරහා ප්‍රධාන මාර්ගයේ දික්ඔය බටල්ගල වත්ත ප්‍රදේශයෙදියි.

ධාවනය වෙමින් තිබූ බස් රථය තවත් බස් රථයකට ඉඩ දීමට යැමෙදි එම බස් රථය මාර්ගයෙන් ඉවතට පැන අඩි 25ක් පමණ ප්‍රපාතයට පෙරලිමෙම අනතුර සිදු වී තිබෙනවා.

අනතුරින් තුවාල ලැබූ කිහිප දෙනෙකුගේ තත්වය බරපතල බවයි දික්ඔය මුලිකක රෝහලේ වෛද්‍යවරයෙකු කියා සිටියේ.

බස් රථය අනතුරට පත් වන අවස්ථාවේ බස් රථය තුල 35 දෙනෙකු පමණ ගමන් කර ඇති බවත්, අනතුරින් බස් රථයේ රියැදුරා සහ කොන්දොස්තරවරයාද තුවාල ලබා ඇති බවයි අනතුර පිළිබද පරික්ෂණ පවත්වන හැටන් පොලිසිය කියා සිටියේ.