අමාත්‍ය විජිත හේරත් ජර්මනියේ සංචාරයකට පිටත් වෙයි

අමාත්‍ය විජිත හේරත් අද (26) ජර්මනියේ සංචාරයක් සඳහා පිටත්ව යන බව විදේශ කටයුතු, විදේශ රැකියා සහ සංචාරක අමාත්‍යාංශය පවසනවා.

ඒ අනුව, ජර්මානු - ආසියා පැසිෆික් ව්‍යාපාරික සංගමයේ 125 වැනි සංවත්සර උත්සවය සඳහා අමාත්‍යවරයා සහභාගී වීමට නියමිත අතර, එම උත්සවය ඇමතීමට ද නියමිත බවයි දැක්වෙන්නේ. වෙළෙඳාම සහ විදේශ රැකියා සම්බන්ධ රැස්වීම් මාලාවකට ද අමාත්‍යවරයා සහභාගී වීමට නියමිතයි. මෙම සංචාරයේදී අමාත්‍යවරයා, ජර්මනියේ විදේශ අමාත්‍යවරයා සමඟ ද්වි-පාර්ශ්වික සාකච්ඡා පැවැත්වීමට නියමිතව තිබෙනවා.