පවතින උණුසුම් කාලගුණය මැයි මාසය දක්වා

පවතින උණුසුම් කාලගුණික තත්ත්වය මැයි මාසය දක්වා පවතිනු ඇති බව කාලගුණ විද්‍යා දෙපාර්තමේන්තුවේ අතිරේක අධ්‍යක්ෂ ජනරාල් අජිත් විජේමාන්න පවසනවා. පවතින උණුසුම් කාලගුණික තත්ත්වය තුළ, දහවල් 11.00 සිට සවස 4.00 දක්වා එළිමහන් කටයුතුවලින් වැළකී සිටින ලෙසයි ඔහු වැඩිදුරටත් ජනතාවගෙන් ඉල්ලා සිටින්නේ. එසේම ‘එල්නිනෝ’ තත්ත්වයක් හටගත හොත්, ජූලි - අගෝස්තු වන විට වැස්ස අඩුවී නියං කාලගුණ තත්ත්වයක් පවා ඇතිවිය හැකි බවයි ඔහු වැඩිදුරටත් සඳහන් කළේ.