අද පස්වරුවේ කොළඹදී මහා සංඝ සමුළුවක්

ශාසනාරක්ෂක සංඝ සභාව විසින් අද (27) මහා සංඝ සමුළුවක් කැදවා තිබෙනවා.

ඒ අනුව කොළඹ ශ්‍රී ලංකා ප්‍රදර්ශන හා සම්මේලන මධ්‍යස්ථානයේදී පස්වරු 2.30ට මෙම සංඝ සමුළුව පැවැත්වීමට නියමිතයි.

ශාසනාරක්ෂක සංඝ සභාව වෙනුවෙන් ජ්‍යෙෂ්ඨ මහාචාර්ය පූජ්‍ය අගලකඩ සිරිසුමන හිමියන්, ජ්‍යෙෂ්ඨ මහාචාර්ය පූජ්‍ය ඉඳුරාගාරේ ධම්මරතන හිමියන්, ජ්‍යෙෂ්ඨ මහාචාර්ය පූජ්‍ය මැදගොඩ අභයතිස්ස හිමියන් ඇතුළු භික්ෂූන් වහන්සේලා විසින් මෙම සමුළුව කැඳවා තිබෙනවා.

ඒ සදහා දිවයිනේ සියළුම ප්‍රදේශවල මහා සංඝරත්නය වැඩම කිරීමට නියමිතයි.