අලුත් අවුරුද්දට විශේෂ බස් රථ සේවා හෙට සිට

අලුත් අවුරුද්ද නිමිත්තෙන් ගම්බිම් බලා යන ජනතාව සඳහා ක්‍රියාත්මක විශේෂ ප්‍රවාහන සේවා හෙට (8) සිට ආරම්භ වනවා. ලංකා ගමනා ගමන මණ්ඩලය සඳහන් කළේ දුර පළාත් සඳහා දෛනිකව අමතර බස් රථ යෙදවීමට සැලසුම් කර ඇති බවයි. ඊට අමතරව මගී අවශ්‍යතාවය අනුව අමතර බස් රථ ධාවනයට එක්කරන බවද එම මණ්ඩලය සඳහන් කළා.

මේ අතර ජාතික ගමනා ගමන කොමිෂන් සභාව ද අ‍ලුත් අවුරුද්ද නිමිත්තෙන් අනිද්දා සිට විශේෂ බස් රථ යෙදවීමටයි සැලසුම් කර තිබෙන්නේ.

මීට අමතරව ලබන (10) වැනිදා සිට දුමිරිය දෙපාර්තමේතුවද ජනතාවට ගමන් පහසුව සැලසීම වෙනුවෙන් විශේෂ දුම්රිය සේවාවක් ආරම්භ කිරිමට සැලසුම් කර තිබෙන අතර ඊට අදාල කාලසටහන ඉදිරියේදී නිකුත් කිරීමට නියමිතයි. මේ අතර නවීකරණය කළ පිටකොටුව ශ්‍රී ලංගම බස් නැවතුම්පළ හෙට (08) විවෘත කිරීමට නියමිතව තිබෙනවා.