ඉරාකයේ බැග්ඩෑඩ් නුවර අමෙරිකානු තානාපති කාර්යාලයට දැවැන්ත ඩ්‍රෝන සහ රොකට් ප්‍රහාර

ඉරාකයේ බැග්ඩෑඩ් නුවර පිහිටි අමෙරිකානු තානාපති කාර්යාලය ඉලක්ක කර ගනිමින් දැවැන්ත ඩ්‍රෝන සහ රොකට් ප්‍රහාර මාලාවක් එල්ල වී ඇති බව රොයිටර් පුවත් සේවය සහ ඒඑෆ්පී (AFP) පුවත් සේවය වාර්තා කරනවා.

ඉරාක ආරක්ෂක අංශ AFP පුවත් සේවයට ප්‍රකාශ කර ඇත්තේ, මෙය මෑත කාලීනව එල්ල වූ "දරුණුතම ප්‍රහාරය" බවයි. ප්‍රහාරයට පැය හයකට පමණ පෙර, අමෙරිකානු තානාපති කාර්යාලය ඉරාකයේ වෙසෙන අමෙරිකානු පුරවැසියන් වෙත ආරක්ෂක අනතුරු ඇඟවීමක් නිකුත් කර ඇති බව සඳහන්.

එහිදී ඔවුන් පවසා තිබුණේ, "ඉරානයට හිතවාදී ත්‍රස්තවාදී කණ්ඩායම්" විසින් බැග්ඩෑඩ් මධ්‍යයේ පිහිටි අන්තර්ජාතික කලාපයට (Inteational Zone) දිගින් දිගටම ප්‍රහාර එල්ල කරන බවයි.