නීතිවිරෝධී ලෙස ගෙනා දුම්වැටි තොගයක් ගුවන්තොටුපළේදී අල්ලයි

රුපියල් ලක්ෂ තිහක් පමණ වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස රැගෙන විත්, කටුනායක ගුවන් තොටුපොළෙන් පිටතට ගෙන යමින් සිටියදී, එම ගුවන් මගියා ද සමඟ පොලිස් මත්ද්‍රව්‍ය නාශක අංශයේ නිලධාරීන් පිරිසක් විසින් අත් අඩංගුවට ගෙන තිබේ.

මොහු 30 හැවිරිදි වියේ පසුවන රූපලාවන්‍ය උපකරණ සහ ආලේපන විදේශ රටවල සිට මෙරටට ගෙනැවිත් අලෙවි කිරීමේ නිරත, පානදුර ප්‍රදේශයේ පදිංචි ව්‍යාපාරිකයෙකි.

ඔහු විසින් රැගෙන ආ රූපලාවන්‍ය උපකරණ සහ ආලේපන අඩංගු ගමන් මලු තුළ දුම්වැටි සගවා ගෙන සිටියදී, පොලිස් මත්ද්‍රව්‍ය නාශක අංශයේ නිලධාරීන් විසින් අත් අඩංගුවට ගෙන තිබුණි.