නව පොලිස්පති වැඩ බාර ගනී

පොලීසියේ ගෞරවය හා ප්‍රෞඪත්වය රැක ගැනීම වෙනුවෙන් කළ හැකි සෑම දෙයක්ම තමා සිදු කරන බව නව පොලිස්පති, නීතිඥ ප්‍රියන්ත වීරසූරිය පවසනවා.

ඒ අනුව, පොලීසියේ දැක්ම අනුව යමින් එය යථාර්ථයක් කිරීමට තමා කටයුතු කරන බවත්, ඒ සඳහා සියලුම පොලිස් නිලධාරීන්ගෙන් ඉහළ කාර්ය සාධනයක් බලාපොරොත්තු වන බවයි අද සිය ධුරයේ වැඩ බාර ගැනීමේ උත්සවය අමතමින් පොලිස්පතිවරයා සඳහන් කළේ.

එසේම, විනයානුකූල පොලීසියක් සකස් කිරීම තම අභිප්‍රාය බවත්, එය තමා ඉහළින්ම සලකන බවත් පොලිස්පති, නීතිඥ ප්‍රියන්ත වීරසූරිය වැඩිදුරටත් ප්‍රකාශ කර සිටියා.