රුපියල් මිලියන 69ක කේරළ ගංජා තොගයක් සොයා ගැනේ

රුපියල් මිලියන 69කට අධික දළ වටිනාකමින් යුත් කේරළ ගංජා තොගයක් යාපනය වත්තිරායන් වෙරළේදී නාවික හමුදා භාරයට ගෙන තිබෙනවා.

ඒ අනුව ශ්‍රී ලංකා නාවික හමුදාව හා පොලිස් විශේෂ කාර්ය බළකාය එක්ව සිදුකළ විශේෂ සෝදිසි මෙහෙයුමකදී කිලෝ ග්‍රෑම් 174කට අධික මෙම කේරළ ගංජා තොගය සොයා ගෙන ඇති බවයි සඳහන් වෙන්නේ. වත්තිරායන් වෙරළට ආසන්න කැලෑබද ප්‍රදේශයේ තිබූ සැක කටයුතු උර හතක් පරීක්‍ෂාවට ලක් කිරීමේදී මෙම කේරළ ගංජා තොගය සොයා ගෙන ඇති අතර, එම කේරළ ගංජා තොගය ඉදිරි නීතිමය කටයුතු සඳහා මරුතන්කර්නි පොලිස් විශේෂ කාර්ය බළකාය වෙත වෙත භාරදී ඇති බවයි වැඩිදුරටත් සඳහන් වෙන්නේ.