රතු කැකුළු සහ සුදු කැකුළු මිශ්‍ර කර අලෙවි කිරීමේ ජාවාරමක්

රතු කැකුළු සහල්වලට සුදු කැකුළු මිශ්‍ර කර අලෙවි කිරීමේ ජාවාරමක් පිළිබඳව තොරතුරු අනාවරණය වී ඇති බව පාරිභෝගික කටයුතු පිළිබඳ අධිකාරිය පවසනවා. වෙළෙඳපොළ තුළ රතු කැකුළු සහල් හිඟ නිසා ඇතැම් ව්‍යාපාරිකයින් මෙලෙස කටයුතු කරන බවත්, මේ සම්බන්ධයෙන් පාරිභෝගික කටයුතු පිළිබඳ අධිකාරියට පැමිණිලි රැසක් ලැබී ඇති බවයි සඳහන් වෙන්නේ.

ඒ අනුව ඒ සම්බන්ධයෙන් වැටලීම් සිදුකරන ලෙස උපදෙස් ලබාදී ඇති බවයි පාරිභෝගික කටයුතු පිළිබඳ අධිකාරියේ තොරතුරු අධ්‍යක්ෂ අසේල බණ්ඩාර වැඩිදුරටත් සඳහන් කළේ.