වලස්කටා පොලිසිය විසින් අත්අඩංගුවට

විදෙස්ගතව සිටින සංවිධානාත්මක අපරාධකරුවෙකු වන කෙහෙල්බද්දර පද්මේගේ මත්ද්‍රව්‍ය ජාවාරම් සහ අපරාධ ජාලය මෙරට සිට මෙහෙයවූ ප්‍රධානතම සැකකරු බවට සැකකෙරෙන සම්පත් හෙවත් වලස්කටා නැමැත්තා පොලිසිය විසින් අත්අඩංගුවට ගෙන තිබෙනවා.

පද්මේගේ සමීපතම ගෝලයෙකු බව කියන දිසානායකගේ දේවාන්මිනි දිසානායක හෙවත් ගම්පහ පස්දේවා නැමැත්තා කටුනායක බණ්ඩාරනායක ජාත්‍යන්තර ගුවන්තොටුපළේදී පසුගිය 3 වැනිදා අත්අඩංගුවට පත් වූ අතර, ඔහුගෙන් සිදු කරන ලද ප්‍රශ්න කිරීම් අනුව මොහු අත්අඩංගුවට ගෙන ඇති බවයි සඳහන් වන්නේ.

ඔහු විදේශගතව සිටින කෙහෙල්බද්දර පද්මේගේ මෙරට මත්ද්‍රව්‍ය ජාලය සහ අපරාධ ජාලය මෙහෙයවූ ප්‍රධාන සැකකරු බවට මේ වන විට හඳුනාගෙන ඇති බවත්, සිද්ධිය සම්බන්ධයෙන් වැඩිදුර විමර්ශන සිදුකරන බවත් පොලීසිය වැඩිදුරටත් ප්‍රකාශ කළා.