හලාවත නිවසක් ගිනි ගැනීමේ සිද්ධිය ඝාතනයක් බව හෙළිවෙයි

හලාවත නගරයෙ සිංහපුර ප්‍රදේශයෙ නිවසක කෝටිපති ව්‍යාපාරිකයා හා ඔහුගේ බිරිද හා දියණිය මරා දමා සිරුරු පුළුස්සා නිවස තුළ තිබියදී 20 උදෑසන සොයා ගැනිමට හැකිවු බව හලාවත මූලස්ථාන පොලිසිය කියයි.

මෙලෙස මරා දමා ඇත්තේ නිවසේ සැමියා වු 52 හැවිරිදි එස්.ජී.සේනාරත්න, බිරිද 43 හැවිරිදි මංජුලා නිරෝෂනී හා 15 හැවිරිදි දියණිය වු නෙත්මි නිමේෂා ඇතුළු පිරිස බව කියයි.

ඝාතනයට ලක්වු නිවෙස් හිමියා වු එස්.ජී.සේනාරත්න මහතා හලාවත නගරයෙ පර්ල් ලැන්ඩ් සේල් නැමති ඉඩම් කැබලි කර අලේවි කිරීමේ ව්‍යාපාරයක් පවත්වාගෙන ගොස් ඇති බවත් ඒ සමග ඔහුගේ බිරිද වන මංජූලා නිරෝෂනී මහත්මිය හලාවත ප්‍රාදේශීය ලේකම් කාර්යාලයෙ සංවර්ධන නිළධාරීනියක් ලෙස මුන්නේෂ්වරම වසම භාරව කටයුතු කර ඇති බවද ඒ සමගම දියණිය හලාවත ආනන්ද ජාතික පාසලේ 10 එෆ් ශ්‍රේණීයෙ අධ්‍යාපනය හදාරමින් සිට ඇති බව කියයි.

මෙම පිරිස ඔවුන්ට හිමි හලාවත සිංහපුර ප්‍රදේශයෙ පිහිටි නිවසේ සිටියදී ඉතා ආවාසනාවන්ත ලෙස  ඝාතනයට ලක්වි ඇති බවත් බිරිදි නිදන කාමරය තුලදි ගෙල කපා දමා සයනය තුළම ගිනි තමා මරා දමා ඇති බව පොලිස් පරික්ෂණ වලදි හෙළිව තිබේ.