ඇසළ පෙරහැර මංගල්‍යයේ දෙවන කුඹල් පෙරහැර අද

මහනුවර ශ්‍රී දළදා මාළිගාවේ ඇසළ පෙරහැර මංගල්‍යයේ දෙවන කුඹල් පෙරහැර අද (31) රාත්‍රියේ වීදි සංචාරය කිරීමට නියමිතව තිබෙනවා. ඒ අනුව, අද රාත්‍රී 7.01 ට යෙදෙන සුබ මොහොතින් එම පෙරහැර ආරම්භ කිරීමට නියමිතව ඇති බවයි සඳහන් වෙන්නේ.

පෙරහැර පිටත් වී ශ්‍රී දළදා වීදිය හා ඩී.එස්. සේනානායක වීදියෙන් ගමන්කර රජ වීදිය ඔස්සේ ඉහළට විත්, දෙවන කුඹල් පෙරහැර ගෙවදීමට නියමිත බවයි සඳහන් වෙන්නේ. දෙවන කුඹල් පෙරහැර අද රාත්‍රී 7.01 සිට හෙළකුරු ඔස්සේ සජීවීව නැරඹිය හැකියි.