දිවයිනේ වායු ගුණත්වය ඉදිරි දින කිහිපයත් පහළ අගයක

දිවයිනේ වායු ගුණත්ව තත්වය ඉදිරි දින කිහිපයදීත් තවදුරටත් පහළ අගයක පවතින බව ජාතික ගොඩනැගිලි පර්යේෂණ ආයතනය පවසනවා.

පසුගිය දින කිහිපය තුළදීත් දිවයිනේ ප්‍රදේශ කිහිපයක වායූ ගුණ තත්ව දර්ශකය සෞඛ්‍යට අහිතකර මට්ටමක් පැවතුණා. අද දහවල් 12 වනවිට ගාල්ල දිස්ත්‍රික්කයේ, වායූ ගුණත්ව දර්ශකය අහිතකර මට්ටමක පැවති බවයි එම ආයතනය සදහන් කළේ. එසේම, මන්නාරම, පුත්තලම ආදී දිස්ත්‍රික්කවල ද වායු ගුණත්ව දර්ශකය සෞඛ්‍යට අහිතකර මට්ටමේ පවතිනවා.

කෙසේ වෙතත්, මෙම තත්වය ඉදිරි දින 04 තුළදීත් පැවතිය හැකි බව ජාතික ගොඩනැගිලි පර්යේෂණ ආයතනයේ පරිසර අංශයේ අධ්‍යක්ෂක සරත් ප්‍රේමසිරි සදහන් කළා.