ලෝක වෙළඳපොළේ රන් මිල ඉහළ යාමට සාපේක්ෂව මෙරට රන් පවුමක මිල ද ඉහළ ගොස් තිබේ. ඒ අනුව පවුමක මිල රුපියල් 12,000කින් ඉහළ ගොස් ඇති බව වෙළෙන්ඳුන් සඳහන් කරයි. කැරට් 24ක රන් පවුමක් මේ වනවිට රුපියල් 362,200ක් වන අතර කැරට් 22ක පවුමක මිල රුපියල් 397,000ක් වේ.  ලෝක වෙළඳපොළේ රන් අවුන්සයක මිල මේ වනවිට අමෙරිකානු ඩොලර් 5,000 සීමාව පසුකර ඇත. එය මේ වසර අග වනවිට ඩොලර් 5,500ට වඩා ඉහළ යනු ඇතැයි ආර්ථික විශේෂඥයින් සඳහන් කරයි.

2026 විස්සයි විස්ස ලෝක කුසලාන ක්‍රිකට් තරගාවලිය සඳහා බංග්ලාදේශය වෙනුවට ස්කොට්ලන්තය ඇතුළත් කිරීමට අන්තර්ජාතික ක්‍රිකට් කවුන්සිලය (ICC) තීරණය කර තිබෙනවා. ආරක්ෂක හේතූන් මත තම කණ්ඩායම ඉන්දියාවට එවීමට බංග්ලාදේශ ක්‍රිකට් ආයතනය (BCB) දිගින් දිගටම ප්‍රතික්ෂේප කිරීම හේතුවෙන්, සති තුනක පමණ කාලයක් පැවති සාකච්ඡාවලින් අනතුරුව මෙම තීරණය ගෙන ඇති බවයි Cricinfo වෙබ් අඩවිය වාර්තා කර තිබෙන්නේ. බංග්ලාදේශය ඉල්ලා සිටියේ තම කණ්ඩායමේ තරග ඉන්දියාවෙන් බැහැර ව ශ්‍රී ලංකාවට ලබා දෙන ලෙසයි. කෙසේ වෙතත්, තර

චීනය සමග වෙළෙඳ ගිවිසුමක් අනුගමනය කළහොත් කැනඩාවට 100%ක තීරුබදු පනවන බව අමෙරිකානු ජනාධිපති ඩොනල්ඩ් ට්‍රම්ප් අනතුරු අඟවා තිබේ. සිය Truth Social හී සටහනක් තබමින් අමෙරිකානු ජනාධිපතිවරයා මෙම ගිවිසුම සම්බන්ධව සඳහන් කර ඇත්තේ එම ගිවිසුමෙන් තම රටට අනතුරක් විය හැකි බවය. චීනය විසින් කැනඩාව පණපිටින් අනුභව කරනු ඇති බවත් ඔවුන්ගේ ව්‍යාපාර, සමාජ ව්‍යූහය සහ සාමාන්‍ය ජිවන රටාව විනාශ කරනු ඇති බවත් අමෙරිකානු ජනාධිපතිවරයා කැනඩාවට අනතුරු අඟවා තිබේ. ඒ අනුව යම් හෙයකින් චීනය සමග කැනඩාව වෙළෙඳ ගිවිසුමක්

2026 වසරේ ඉන්දියාව සහ ශ්‍රී ලංකාව විසින් සම සත්කාරකත්වය දරනු ලබන ICC පන්දුවාර විස්සයි-20 ලෝක කුසලාන ක්‍රිකට් තරගාවලියේ කුසලානය ඊයේ (22) කොළඹ ආර්. ප්‍රේමදාස ජාත්‍යන්තර ක්‍රීඩාංගණයට රැගෙන ඒමට කටයුතු කර තිබුණා. ඒ අනුව, ශ්‍රී ලංකා ගුවන් හමුදාවේ ගුවන් භටයින් පිරිසක් විසින් පැරෂුට් මඟින් එම ලෝක කුසලානය ප්‍රේමදාස ජාත්‍යන්තර ක්‍රීඩාංගණයට රැගෙන ඒමට කටයුතු කර ඇති බවයි වැඩිදුරටත් සඳහන් වන්නේ.

ලෝක වෙළෙඳපොළේ රන් මිල ඉතිහාසයේ පළමුවරට අමෙරිකානු ඩොලර් 4,900 සීමාව ඉක්මවා ගොස් තිබේ. විදෙස් මාධ්‍ය වාර්තාකරන්නේ, රන් අවුන්සයක් අමෙරිකානු ඩොලර් 4,955.74ක් ලෙස සටහන් ව ඇති බවය. එය මෙතෙක් වාර්තා වූ ඉහළම රන් මිල ලෙස සටහන් වේ. මේ අතර, ප්‍රමුඛ ආයෝජන බැංකුවක් වන Goldman Sachs විසින්, වසර අවසානය වන විට රන් මිල අවුන්සයක් අමෙරිකානු ඩොලර් 5,400 දක්වා ඉහළ යා හැකි බවට ද අනාවැකිය පළකර ඇත. අද මෙරට රන් මිළත් සැලකිය යුතු මට්ටමකින් ඉහළ යාමක් අපේක්ෂා කළ හැකි බව වෙළෙඳපොළ ආරංචි මාර්ග සඳහන් කරයි.

අද (23) අලුයම් කාලයේදී දිවයිනේ අවම උෂ්ණත්වය සෙල්සියස් අංශක 5.0ක් ලෙස නුවරඑළිය කාලගුණ මධ්‍යස්ථානයෙන් වාර්තා වී ඇති බව කාලගුණවිද්‍යා දෙපාර්තමේන්තුව පවසයි. එමෙන්ම බණ්ඩාරවෙල ප්‍රදේශයේ අද අලුයම සටහන් වූ අවම උෂ්ණත්වය සෙල්සියස් අංශක 12.5ක් බවද, බදුල්ල ප්‍රදේශයේ අවම උෂ්ණත්වය සෙල්සියස් අංශක 14.8ක් ලෙස වාර්තා වී ඇති බවද සඳහන් කරයි. එමෙන්ම මහඉලුප්පල්ලම ප්‍රදේශයෙන් අද අලුයම වාර්තා වූ අවම උෂ්ණත්වය 19.3ක් ලෙස සටහන් විය. එසේම කාලගුණ විද්‍යා දෙපාර්තමේන්තුවේ ප්‍රාදේශීය දත්ත ලබාගන්නා මධ්‍යස්ථා

සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර පළමු එක්දින ක්‍රිකට් තරගය අද (22) පැවැත්වීමට නියමිතව තිබේ. තරගය කොළඹ ආර්.ප්‍රේමදාස ක්‍රීඩාංගණයේ දී පස්වරු 2.30ට ආරම්භ වීමට නියමිතයි. දෙරට අතර එක්දින තරගාවලිය තරග තුනකින් සමන්විත වේ. එක්දින තරගාවලියෙන් අනතුරුව දෙරට අතර තරග තුනකින් යුත් 20/20 ක්‍රිකට් තරගාවලිය ආරම්භ වීමට නියමිත අතර එහි පළමු තරගය ලබන 30 වන දින පල්ලෙකැලේදී ආරම්භ වීමට නියමිතය.

ග්‍රීන්ලන්තය පවරා ගැනීමේ සිය සැලසුම්වලට විරුද්ධ වූ යුරෝපානු රටවලට තීරුබදු පැනවීමේ ක්‍රියාවලිය අමෙරිකානු ජනාධිපති ඩොනල්ඩ් ට්‍රම්ප් විසින් හකුලාගෙන තිබේ. නේටෝ මහලේකම්වරයා සමඟ පැවති සාකච්ඡාවෙන් පසුව Truth සමාජ මාධ්‍ය ඔස්සේ සටහනක් තබමින් ඔහු පවසා ඇත්තේ, නේටෝ මහලේකම් මාර්ක් රූට් සමඟ පැවැත්වූ රැස්වීම ඉතා ඵලදායී එකක් වූ බවත් ග්‍රීන්ලන්තය සහ සමස්ත ආක්ටික් කලාපය සම්බන්ධයෙන් අනාගත සැලසුමක් සකස් කර ඇති බවත්ය. ග්‍රීන්ලන්තය අමෙරිකාවට පවරා ගැනීමේ අභිලාෂයන්ට විරුද්ධ වූ යුරෝපීය ජාතීන්ට එළැඹෙ

ශ්‍රී ලංකාවේ ආර්ථිකය ප්‍රකෘතිමත් කරලීමේ ක්‍රියාවලිය සඳහා තම අඛණ්ඩ සහාය ලබාදෙන බව ජාත්‍යන්තර මූල්‍ය අරමුදල යළි තහවුරු කර තිබෙනවා. ජාත්‍යන්තර මූල්‍ය අරමුදලේ කළමනාකාර අධ්‍යක්ෂ ක්‍රිස්ටලිනා ජෝර්ජියේවා සහ අග්‍රාමාත්‍ය ආචාර්ය හරිනි අමරසූරිය අතර පැවැති හමුවකදී මේ බව සඳහන් කර ඇති බවයි සඳහන් වන්නේ. මෙම හමුව ස්විට්සර්ලන්තයේ ඩාවෝස් නගරයේ පැවැත්වෙන 2026 ලෝක ආර්ථික සමුළුවට සමගාමීව පවත්වා ඇති බවයි අග්‍රමාත්‍ය මාධ්‍ය අංශය වැඩිදුරටත් සඳහන් කළේ.

අමෙරිකාවේ 47 වන ජනාධිපතිවරයා ලෙස ඩොනල්ඩ් ට්‍රම්ප් දිවුරුම් දී අදට වසරක් සපිරෙනවා. ඒ අනුව ට්‍රම්ප්ගේ ධුර කාලය පිළිබදව ඇති සියලු‍ ප්‍රශ්නවලට විසදුම් ලබා දී ඇති බව ට්‍රම්ප් ජනාධිපතිවරයා ප්‍රකාශ කර ඇති බවයි විදෙස් වාර්තා සඳහන් කළේ. ට්‍රම්ප් අමෙරිකාවේ 47 වන ජනාධිපතිවරයා ලෙස දිවුරුම් දෙනු ලැබුවේ 2025 වසරේ ජනවාරි මස 20 වන අතර, ඔහු අමෙරිකාවේ වයස්ගතම ජනාධිපතිවරයා ලෙසයි ඉතිහාසගත වන්නේ. එසේම ඔහුගේ ධුර කාලය තුළ ගාසා තීරයේ සටන් විරාමයක් සාකච්ඡා කිරීම, වෙළෙඳ හවුල්කරුවන් මත දැඩි තීරුබදු ක්

දිවයින පුරා සියලුම රෝහල්වල අද (21) උදෑසන 8.00 සිට පැය 24 ක සංකේත වැඩ වර්ජනයක් ආරම්භ කරන බව රජයේ විකිරණ තාක්ෂණවේදීන්ගේ සංගමය පවසනවා. ඒ අනුව, මාළිගාවත්ත වකුගඩු රෝහලේ නියෝජ්‍ය අධ්‍යක්ෂවරයාගේ අත්තනෝමතික ක්‍රියා කලාපයට එරෙහිව සෞඛ්‍ය අමාත්‍යාංශය කිසිදු ක්‍රියාමාර්ගයක් නොගැනීමට විරුද්ධව මෙම වර්ජනය සිදු කරන බවයි එහි සභාපති චානක ධර්මවික්‍රම සඳහන් කළේ. මේ අතර අක්කරෙයිපත්තු රෝහලේ වෛද්‍ය අධිකාරීවරයාට විරෝධය පළ කරමින්, නැගෙනහිර පළාත තුළ රජයේ වෛද්‍ය නිලධාරීන්ගේ සංගමය විසින් ආරම්භ කළ වර්ජනය

පවතින ශීත කාලගුණ තත්ත්වයත් සමඟ වෛරස් රෝග කිහිපයක ව්‍යාප්තියක් දක්නට ලැබෙන බව සෞඛ්‍ය අංශ පවසයි. ගම්පහ රෝහලේ ජ්‍යෙෂ්ඨ වෛද්‍ය නිලධාරී වෛද්‍ය රවීන්ද උඩගමගේ මහතා සඳහන් කළේ, කුඩා දරුවන් අතර මෙම රෝග දක්නට ලැබෙන බවය. "මේ දවස්වල පවතින ශීත වියළි කාලගුණයත් සමඟ වෛරස් රෝග කිහිපයක පැතිරීම වැඩි වෙන්න පුළුවන්. අපේ ශ්වසන මාර්ගයේ ඉහළ කොටසට අදාළව තමයි මේ වෛයිරස් බොහෝ දුරට බලපෑමක් ඇති කරන්නේ. සාමාන්‍යයෙන් මේ වෛරස් රෝග පෙර පාසල් වයසේ පසුවන කුඩා දරුවන් අතර බහුලව පැතිරෙන්න පුුළුවන්. උණ, කැස්ස, සෙම්

නාසා (NASA) ආයතනය ක්‍රියාත්මක කරන ඓතිහාසික Artemis II මෙහෙයුමේ කොටස්කරුවෙකු වෙමින් තමන්ගේ නම අභ්‍යවකාශයට යැවීමට ලොව පුරා මහජනතාවට දැන් අවස්ථාව පවතියි. “Send Your Name with Artemis II” නමැති මෙම විශේෂ වැඩසටහන යටතේ ලියාපදිංචි වන පුද්ගලයන්ගේ නම්, සඳ වටා ගමන් කිරීමට නියමිත ඔරියන් (Orion) යානයේ තැන්පත් කෙරේ. මෙම Artemis II මෙහෙයුම, නාසා ආයතනය විසින් සඳ වෙත මිනිසුන් රැගෙන යාම සඳහා ක්‍රියාත්මක කරන වැඩසටහනේ පළමු මිනිස් සහිත අභ්‍යවකාශ චාරිකාව ලෙස වාර්තා වේ. ඒ අනුව, තෝරාගත් ගගනගාමීන් ප

දේශීය රන් භාණ්ඩවල මිල මේ සතියේ නැවතත් ඉහළ ගොස් ඇතැයි සමස්ත ලංකා ස්වර්ණාභරණ සංගමය පවසනවා. ඒ අනුව එම සංගමයේ ලේකම් බාලසුබ්‍රමනියම් සදහන් කරන්නේ, කැරට් 22ක රන් පවුමක වළල්ලක් රුපියල් තුන්ලක්ෂ අසූ දහසක් පමණ වන බවයි. එය ගිය සතියේදී රුපියල් 360,000ක පමණ අළෙවි වූ බව ද හෙතෙම සඳහන් කළා. කැරට් 22ක රන් දම්වැලක් රුපියල් තුන් ලක්ෂ පනස් හත්දහසක් පමණ වන බවද ඔහු පැවසුවා. කැරට් 22 පවුමක රන් මුදුවක් රුපියල් ලක්ෂ හතරක් පමණ වන අතර එය රුපියල් තුන් ලක්ෂ අසූ දහසක මුදලකට ගිය සතියේදී අළෙවි වුණා. කැරට්

උතුරු චීනයේ කර්මාන්ත ශාලාවක සිදු වූ පිපිරීමකින් පුද්ගලයින් දෙදෙනෙකු මිය ගොස් ඇතැයි විදෙස් මාධ්‍ය වාර්තා කරනවා. මෙම පිපිරීමෙන් තවත් පුද්ගලයින් 84 දෙනෙකු තුවාල ලබා ඇති බවද එම මාධ්‍ය වාර්තා පවසනවා. ඔවුන් අතරින් රෝහල් ගත කර ඇති පුද්ගලයින් 05 දෙනෙකුගේ තත්ත්වය බරපතළ බව සඳහන්. පිපිරීමට හේතුව අනාවරණ වී නැති බවයි වාර්තා වන්නේ.

තෛපොංගල් උත්සවය හේතුවෙන් තාවකාලිකව අත්හිටවූ නැගෙනහිර පළාතේ රජයේ රොහල්වල වෛද්‍ය වර්ජනය අද (19) යළි ආරම්භ කරන බව රජයේ වෛද්‍ය නිලධාරීන්ගේ සංගමය පවසයි. ඒ අනුව අද පෙ.ව. 8.00 සිට නැගෙනහිර පළාතේ සියලුම රජයේ රෝහල්වල මෙම වෛද්‍ය වර්ජනය ක්‍රියාත්මක වේ. ඔවුන්ගේ ඉල්ලීම්වලට රජයෙන් කිසිදු ප්‍රතිචාරයක් නොලැබුණු බැවින් නැවත මෙසේ වැඩ වර්ජනය ආරම්භ කරන බව රජයේ වෛද්‍ය නිලධාරීන්ගේ සංගමය වැඩිදුරටත් පැවසීය. අක්කරෙයිපත්තුව මුලික රෝහලේ වෛද්‍ය අධිකාරීවරයා සම්බන්ධයෙන් එල්ල වී ඇති චෝදනාවලට අදාළව ඔහු එම ධ

යොවුන් ලෝක කුසලාන එක්දින ක්‍රිකට් තරගාවලියේ ශ්‍රී ලංකා සහ අයර්ලන්ත තරගය අද (19) ආරම්භවීමට නියමිතව තිබේ. එහිදී ශ්‍රී ලංකා කණ්ඩායමේ නායකත්වය විමත් දිනසර හට හිමිව ඇති අතර අයර්ලන්ත පිළ මෙහෙයවනු ලබන්නේ, ඔලිවර් රිලේ විසිනි. ඒ කාණ්ඩය යටතේ තරග කරන ශ්‍රී ලංකා කණ්ඩායම පසුගියදා ජපානයට එරෙහිව පැවැති තරගය ලකුණු 203කින් ජයගැනීමට සමත් විය. එහිදී තරගයේ ප්‍රථමයෙන් පන්දුවට පහරදුන් ශ්‍රී ලංකාව නියමිත පන්දුවාර 50 තුළ කඩුලු 04ක් දැවි රැස්කරගත් ලකුණු සංඛ්‍යාව 387කි. ඊට පිළිතුරු ලෙස ජපාන කණ්ඩායමට න

ග්‍රීන්ලන්තය (Greenland) අමෙරිකාවට ලබාගැනීමේ උත්සාහයට විරෝධය පළ කරන ප්‍රංශය, ජර්මනිය සහ බ්‍රිතාන්‍යය ඇතුළු නේටෝ (NATO) සාමාජික රටවල් 8කට පෙබරවාරි 01 වැනිදා සිට ක්‍රියාත්මක වන පරිදි 10%ක ආනයනික බද්දක් පැනවීමට අමෙරිකානු ජනාධිපති ඩොනල්ඩ් ට්‍රම්ප් තීරණය කර තිබෙනවා. ග්‍රීන්ලන්තය සම්බන්ධයෙන් එකඟතාවයකට නොපැමිණියහොත්, ලබන ජූනි 01 වැනිදා සිට මෙම බදු ප්‍රතිශතය 25% දක්වා ඉහළ නැංවීමට ජනාධිපතිවරයා තීරණය කර ඇති බවයි සඳහන්. ඒ අනුව ඩෙන්මාර්කය, නෝර්වේ, ස්වීඩනය, ප්‍රංශය, ජර්මනිය, එක්සත් රාජධාන

හිටපු පාර්ලිමේන්තු මන්ත්‍රීවරයකු වූ නන්දන ගුණතිලක අභාවප්‍රාප්ත වී තිබෙනවා. මිය යන විට ඔහු 63 වැනි වියේ පසු වුණා. අසනීප තත්වයක් හේතුවෙන් ප්‍රතිකාර ලබමින් සිටි ඔහු රාගම ශික්ෂණ රෝහලේදී අද (18) අලුයම මියගොස් ඇති බව සඳහන්. ඔහු ජනතා විමුක්ති පෙරමුණේ හිටපු ජනාධිපතිවරණ අපේක්ෂකයකු මෙන්ම පසුකලෙක එක්සත් ජාතික පක්ෂයේ පානදුර හිටපු නගරාධිපතිවරයා වශයෙන් කටයුතු කර තිබුණා. ඔහුගේ අන්තිම කැමැත්ත අනුව දේහය වෛද්‍ය පීඨයකට ලබාදීමට නියමිත බව පවුලේ ආරංචිමාර්ග සඳහන් කළා.

රටවල් 75ක පුද්ගලයින් සඳහා වීසා නිකුත් කිරීම දින නියමයක් නොමැතිව කල්දැමීමට අමෙරිකාව තීරණය කර තිබේ. අමෙරිකානු රාජ්‍ය දෙපාර්තමේන්තුව සදහන් කර ඇත්තේ, අමෙරිකාවේ නව සංක්‍රමණික නීතිවලට අනුව මෙම තීරණය ගෙන ඇති බවය. බ්‍රසිලය, ඉරානය, රුසියාව, සෝමාලියාව, ඇෆ්ගනිස්ථානය, ඊජිප්තුව, තායිලන්තය, යේමනය ඇතුළු රටවල් 75ක පුරවැසියන් සඳහා මෙම තහනම පැනවීමට තීරණය කර ඇති අතර සම්පූර්ණ රටවල් පිළිබඳ තොරතුරු මෙතෙක් ප්‍රකාශයට පත් කර නොමැති බව විදෙස් මාධ්‍ය පවසයි. ජනවාරි මස 21 වන දින සිට මෙම නව නීතිය ක්‍රියාත