ශ්‍රී ලංකාවේ මුස්ලිම් ජනතාව අද (19) සිට රාමසාන් උපවාසය ආරම්භ කරන බව කොළඹ මහ පල්ලිය නිවේදනය කර තිබෙනවා. රට පුරා පත් කරන ලද හිලාල් උප කමිටුවල වාර්තාවලට අනුව නව අඩසඳ ඊයේ දර්ශනය වූ බැවින්, මෙලෙස රාමසාන් උපවාස ආරම්භ කරන බවයි එම පල්ලිය නිවේදනය කර ඇත්තේ.

පන්දුවාර 20 ලෝක කුසලානයේ මූලික වටයේ ශ්‍රී ලංකාව සහභාගි වන අවසන් තරගය අද (19) පැවැත්වෙනවා. ඒ, සිම්බාබ්වේ කණ්ඩායම සමඟයි. කොළඹ ආර්. ප්‍රේමදාස ක්‍රීඩාංගණයේදී පස්වරු 3.00ට මෙම තරගය ආරම්භ වීමට නියමිතයි. මේ වන විටත් බී කාණ්ඩයෙන් ශ්‍රී ලංකාව සහ සිම්බාබ්වේ කණ්ඩායම් දෙකම සුපිරි 8 දෙනාගේ වටයට තේරී අවසන්. එමෙන්ම අබාධයට ලක්වූ මතීෂ පතිරණ වෙනුවට විස්සයි විස්ස ලෝක කුසලාන තරගාවලියේ ශ්‍රි ලංකා සංචිතයට ඩිල්ෂාන් මධුශංක නම් කිරීමට අයි.සී.සී තාක්ෂණික කමිටුවේ අනුමැතිය හිමිවුණා. මේ අතර ශ්‍රී ලංකාව

ජාත්‍යන්තර ක්‍රිකට් කවුන්සිලය (ICC) එළිදැක්වූ නවතම විස්සයි20 පිතිකරුවන් ශ්‍රේණිගතකිරීමේ ශ්‍රී ලංකා ආරම්භක පිතිකරු පැතුම් නිස්සංක 3වන ස්ථානය දක්වා ඉදිරියට පැමිණ සිටියි. ඔස්ට්‍රේලියාවට එරෙහිව පෙරේදා (16) අවසන් වූ තරගයේ දී ක්‍රීඩාකළ විශිෂ්ට ශතකය හේතුවෙන් ඔහු 6වන ස්ථානයේ සිට මෙලෙස ඉදිරියට පැමිණ තිබේ. මෙහි පෙරමුණේ ඉන්දීය ආරම්ක පිතිකරු අභිෂේක් ෂර්මා රැඳී සිටින අතර, දෙවන ස්ථානයේ එංගලන්ත ආරම්භක පිතිකරු පිල් සෝල්ට් රැඳී සිටියි. කෙ‍සේ නමුත් පැතුම් හැරෙන්න පළමු දස දෙනා අතර වෙනත් කිසිදු

හිටපු ජනපති රනිල් වික්‍රමසිංහ මහතාගේ බිරිඳ වන මෛත්‍රී වික්‍රමසිංහ මහත්මියට මේ මස 20 වන දින අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන කොට්ඨාශය හමුවේ පෙනී සිටින්නැයි දැනුම් දීමක් සිදුකර තිබේ. මේ සම්බන්ධයෙන් අපරාධ පරීක්ෂණ දෙපාර්තමේන්තුව විසින් අද (18) දින කොළඹ කොටුව මහෙස්ත්‍රාත් අධිකරණයට දැනුම් දුන්නේය. ඒ හිටපු ජනාධිපති රනිල් වික්‍රමසිංහ මහතා සම්බන්ධයෙන් සිදුකරන විමර්ශනයට අදාළව ප්‍රකාශයක් සටහන් කරගැනීම සඳහා ය. මේ අතර, 2023 වසරේ එවක ජනාධිපති රනිල් වික්‍රමසිංහ මහතා බ්‍රිත

රක්ෂිත බන්ධනාගාරගත කර සිටි හිටපු ජනාධිපති ලේකම් සමන් ඒකනායක ඇප මත මුදා හැරීමට අධිකරණය අද (18) නියෝග කර තිබෙනවා. ඒ අනුව, ඔහුට අදාළ නඩුව අද යළි කැඳවූ අවස්ථාවේදී රුපියල් මිලියන දෙක බැගින් වූ ශරීර ඇප දෙකක් මත සැකකරු මුදා හරින ලෙස කොළඹ කොටුව මහේස්ත්‍රාත් ඉසුරු නෙත්තිකුමාර විසින් නියෝග කර ඇති බවයි සඳහන් වන්නේ. හිටපු ජනාධිපති රනිල් වික්‍රමසිංහගේ පෞද්ගලික විදේශ සංචාරයක් සඳහා මුදල් අනුමත කිරීම තුළින්, අදාළ වරදට ආධාර හා අනුබල ලබා දුන් බවට ඔහුට එරෙහිව චෝදනා එල්ල වී තිබෙනවා.

ශ්‍රී ලංකා කණ්ඩායමේ සුපිරි වේගපන්දු යවන ක්‍රීඩක මතීෂ පතිරණට මෙවර ලෝක කුසලාන විස්සයි20 ක්‍රිකට් තරගාවලියෙන් ඉවත්වීමට සිදුව තිබේ. ඒ ඔහුගේ වම් පාදයේ කලවා ප්‍රදේශයේ ඇති වූ ආබාධය හේතුවෙන් බව වාර්තා වෙයි. විස්සයි20 ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වූ තෙවන තරගය ඔස්ට්‍රේලියාවට එරෙහිව පසුගිය 16 වනදා පැවැති තරගයේදී මතීෂ පතිරණ මෙලෙස ආබාධයකට ලක්වී තිබුණි.

අළු බදාදා දිනය අදට (18) යෙදී තිබෙනවා. ඒ අනුව "දූවිල්ලෙන් සෑදුණු මිනිසා දූවිල්ලටම හැරෙන්නේය" යන දේව ප්‍රකාශය සිහිපත් කරමින් කිතුනු බැතිමතුන් මෙම දිනය සමරනවා. අළු බදාදා සමරමින් දිවයින පුරා කිතුනු දේවස්ථානවල දිව්‍ය පූජා පැවැත්වෙන අතර, එම පූජාවේ විශේෂ පිළිවෙතක් ලෙස බැතිමතුන්ගේ නළලට අළු තැවරීම සිදු කරනවා. ඊට සමගාමීව, කිතුනුවන් විසින් ජේසුස් වහන්සේගේ දුක් විඳීම, මරණය සහ නැවත උත්ථානය සිහිපත් කරමින් අනුස්මරණය කරන ආගමික සමය වන චතාරික සමය ද අද දිනයෙන් ආරම්භ වනවා‍.

වසර 17කට පසුව පළමු වතාවට ලෝක කුසලාන ක්‍රිකට් තරගාවලියකින් පළමු වටයෙන්ම ඉවතට යාමට  ඔස්ට්‍රේලියාවට සිදුවිය. ඒ අද (17) පල්ලෙකැලේ දී පැවත්වීමට නියමිතව තිබූ සිම්බාබ්වේ - අයර්ලන්තය අතර තරගයට වර්ෂාවෙන් බාධා එල්ල වීමත් සමඟ තරගය අත්හැර දැමීමට කටයුතු කිරීම හේතුවෙනි. ඒ අනුව, සිම්බාබ්වේ සහ අයර්ලන්තය කණ්ඩායම් දෙකකටම ප්‍රසාද ලකුණ බැගින් හිමිවිය. එහිදී සිම්බාබ්වේ කණ්ඩායමට හිමි ප්‍රසාද ලකුණු සංඛ්‍යාව 5ක් දක්වා ඉහළ ගිය අතර අයර්ලන්තය කණ්ඩායමට හිමි ප්‍රසාද ලකුණු සංඛ්‍යාව 3ක් දක්වා ඉහළ ගියේය. එක

අද මධ්‍යම රාත්‍රියේ සිට දුම්රිය ධාවනයෙන් ඉවත් වීමට දුම්රිය රියදුරන් තීරණය කර තිබේ. දුම්රිය රියදුරු ශ්‍රේණියට බඳවාගත් නවක රියදුරුන් සඳහා පැවැති රැස්වීමකදි දුම්රිය රියදුරන් ලෙස පුහුණු කිරීමට යෝජිත හමුදා නිලධාරීන් පිරිසකටද එම පුහුණුව ආරම්භ කිරීමට ගත් තීරණයට විරෝධය පළ කරමින් ඔවුන් මෙලෙස දුම්රිය සේවාවාරවලින් ඉවත් වීමට තීරණය කර ඇත. මේ සම්බන්ධව ප්‍රවාහන අමාත්‍යාංශයේදී පැවැති දීර්ඝ සාකච්ඡා අසාර්ථක වූ බැවින් අද සවස ලොකෝමොටිව් ඉංජිනේරුවන්ගේ විධායක කමිටු රැස්වීමක් පැවැති අතර එහිදී අද (1

හිටපු පාර්ලිමේන්තු මන්ත්‍රී විජිත් විජයමුණි සොයිසා මහතා අද (17) උදෑසන පොලිස් මූල්‍ය අපරාධ විමර්ශන කොට්ඨාසය වෙත පැමිණ තිබේ. මාධ්‍යවේදීන් කළ ප්‍රශ්න කිරීමකදී ඒ මහතා පැවසුවේ අමාත්‍ය මණ්ඩල තීරණයක් සම්බන්ධයෙන් ප්‍රකාශයක් ලබාදීම සඳහා පොලිස් මූල්‍ය අපරාධ විමර්ශන කොට්ඨාසය වෙත කැඳවා තිබූ බවය.

‍ බ්‍රිතාන්‍ය නියෝජ්‍ය අග්‍රාමාත්‍ය ඩේවිඩ් ලැමී නිල සංචාරයක් සඳහා අද (17) උදෑසන දිවයිනට පැමිණ තිබේ. ඩේවිඩ් ලැමී මහතා සඳහා එරට නියෝජ්‍ය අග්‍රාමාත්‍ය කාර්යාලයේ උසස් නිලධාරීන් 7දෙනෙකු දූත පිරිස ලෙස මෙලෙස දිවයිනට පැමිණ ඇත. අද (17) උදෑසන 09.11ට දෝහා සිට කටාර් ගුවන් සේවයේ කිව්.ආර් - 664 දරන ගුවන් යානයෙන් කටුනායක ගුවන්තොටුපොළ වෙත පැමිණ තිබුණි. ඔවුන් පිළිගැනීම සඳහා විද්‍යා සහ තාක්ෂණ අමාත්‍ය මහාචාර්ය ක්‍රිශාන්ත අබේසේන මහතා ඇතුළු පිරිසක් කටුනායක ගුවන් තොටුපොළ විශේෂ අමුත්තන්ගේ මැදිරිය ව

2026 පන්දුවාර 20 ලෝක කුසලානයේ ඔස්ට්‍රේලියාවට එරෙහිව ඊයේ (16) පැවති තරගය කඩුළු 8කින් ජය ගැනීමට ශ්‍රී ලංකාව සමත් වුණා. ඒ අනුව ශ්‍රී ලංකාව සුපිරි අටදෙනාගේ වටය සඳහා සුදුසුකම්ද හිමිකරගත්තා. ලකුණු 182ක පිළිතුරු ඉලක්කයක් හඹා ගිය ශ්‍රී ලංකාව පන්දුවාර 18ක් අවසානයේ කඩුළු 2ක් දැවී ලකුණු 184ක් රැස් කරමින් තරගය ජයගත්තා. මෙම තරගයේදී විශිෂ්ට ඉනිමක් ක්‍රීඩා කළ පැතුම් නිස්සංක නොදැවී ලකුණු 100ක් රැස් කළ අතර, එය මෙවර පන්දුවාර 20 ලෝක කුසලානයේ පිතිකරුවෙකු රැස්කළ පළමු ශතකයත් වීමත් විශේෂත්වයක්. කුස

ලංකා සම සමාජ පක්ෂයේ නායක, හිටපු අමාත්‍ය අභාවප්‍රාප්ත මහාචාර්ය තිස්ස විතාරණ මහතාගේ දේහය පිළිබඳ අවසන් කටයුතු අද (16) පස්වරු 4.30ට බොරැල්ල කනත්තේදී සිදුකිරීමට නියමිතව තිබේ. මෙරට කෘතහස්ත දේශපාලනඥයෙකු වන හිටපු අමාත්‍ය මහාචාර්ය තිස්ස විතාරණ මහතා ඉකුත් පෙබරවාරි 13වැනිදා සිය දිවි ගමනට සමු දුන්නේය. කලක් රෝගාතුරව සිටි ඒ මහතා අභාවප්‍රාප්ත වන විට 92වැනි වියේ පසුවිය. අවසන් ගෞරව දැක්වීම වෙනුවෙන් මහාචාර්ය තිස්ස විතාරණ මහතාගේ දේහය බොරැල්ලේ පිහිටි එන්.එම්. පෙරේරා කේන්ද්‍රයේ තැන්පත් කෙරුණු අ

2026 විස්සයි20 ලෝක කුසලාන ක්‍රිකට් තරගාවලියේ ඕස්ට්‍රේලියාව සමග ශ්‍රී ලංකාව අතර පැවැත්වීමට නියමිත තරගය අද රාත්‍රී 7ට පල්ලේකැලේ ජාත්‍යන්තර ක්‍රිකට් ක්‍රීඩාංගණයේදී පැවැත්විමට නියමිතය. තරගය සඳහා කමිල් මිෂාර වෙනුවට කුසල් ජනිත් පෙරේරා කැඳවා ඇති බවට ශ්‍රී ලංකා ක්‍රිකට් අභ්‍යන්තර ආරංචි මාර්ග පවසයි. කමිල් මිෂාරගේ දුර්වල පිතිකරණය හේතුවෙන් මෙම තීරණය ගෙන ඇති බව වාර්තා වේ. 20 - 20 තරගයකදී ශ්‍රී ලංකාව සහ ඔස්ට්‍රේලියාව එකිනෙකා හමුවන්නේ වසර 4කට පසුවය. අද තරගය ජය ගැනීමට හැකිවුවහොත් ශ්‍රී ලංකා

ශ්‍රේෂ්ඨාධිකරණයට ඉදිරිපත් වූ මූලික අයිතිවාසිකම් පෙත්සමකට අදාළව හිටපු ජනාධිපතිවරුන් වන මෛත්‍රිපාල සිරිසේන, රනිල් වික්‍රමසිංහ සහ වත්මන් ජනාධිපති අනුර කුමාර දිසානායක මෙන්ම නීතිපතිවරයා ඇතුළු පාර්ශව කිහිපයකට නොතීසි යැවීමට පියවර ගන්නා ලෙස ශ්‍රේෂ්ඨාධිකරණය නියෝග කර තිබෙනවා. ඒ මෙරට කාන්තාවන්ට සහ පිරිමින්ට ජීව විද්‍යාත්මක පදනමින් බැහැරව තම අභිලාෂය පරිදි සැත්කම් මගින් ලිංගික අනන්‍යතාවය වෙනස් කර ගැනීම සඳහා පහසුකම් සලසමින් පසුගිය රජයන් සහ වර්තමාන රජය ක්‍රියාත්මක කර ඇති වැඩසටහන් සහ චක්‍රලේ

2026 විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන දෙවන තරගය අද (12) පැවැත්වීමට නියමිතව තිබෙනවා. ඒ අනුව, B කාණ්ඩය යටතේ ශ්‍රී ලංකා කණ්ඩායම හා ඕමාන කණ්ඩායම අතර මෙම තරගය පැවැත්වීමට නියමිතයි. තරගය අද උදෑසන 11.00 ට පල්ලේකැලේ ජාත්‍යන්තර ක්‍රිකට් ක්‍රීඩාංගනයේදී ආරම්භ වීමට නියමිතව තිබෙනවා. ආබාධයකට ලක්වීම හේතුවෙන් 2026 විස්සයි විස්ස ලෝක කුසලාන ක්‍රිකට් තරගාවලියෙන් වනිඳු හසරංග ඉවත් කර ඇති අතර, ඒ වෙනුවට දුෂාන් හේමන්ත කණ්ඩායමට කැඳවා තිබෙනවා.

හිටපු පාර්ලිමේන්තු මන්ත්‍රී අමරකීර්ති අතුකෝරළ සහ ඔහුගේ ආරක්ෂක නිලධාරියා පහර දී ඝාතනය කිරීමේ සිද්ධියට සම්බන්ධ සැකකරුවන් 12 දෙනකුට ගම්පහ ස්ථිර ත්‍රිපුද්ගල මහාධිකරණය විසින් මරණ දඬුවම නියම කර තිබෙනවා. ඒ අනුව, අදාළ නඩුවේ තීන්දුව ප්‍රකාශයට පත් කරමින් ගම්පහ ස්ථිර ත්‍රිපුද්ගල මහාධිකරණය බෙදුනු තීන්දුවක් ලෙස මෙම නියෝගය ප්‍රකාශයට පත්කර තිබෙනවා. එසේම තවත් සැකකරුවන් සිව් දෙනෙක්ට නීතිවිරෝධී රැස්වීමක සාමාජිකයින් වීමේ චෝදනාව යටතේ මාස 06 ක සිර දඬුවමක් නියම කරමින් එය වසර 05 කට අත්හිටුවීමට ද නි

ත්‍රිකුණාමලය බුදුපිළිම සිද්ධිය සම්බන්ධයෙන් රක්ෂිත බන්ධනාගාර ගත කර සිටින පූජ්‍ය බලංගොඩ කස්සප හිමියන් ඇතුළු පිරිස අද (11) යළි අධිකරණයට ඉදිරිපත් කළේය. ත්‍රිකුණාමලය කොටුව පාරේ පිහිටි ශ්‍රී සම්බුද්ධ ජයන්ති බෝධිරාජ විහාරස්ථානයේ විහාරාධිපති පූජ්‍ය ත්‍රිකුණාමලය කල්‍යාණවංශ තිස්ස හිමියන්, පූජ්‍ය බලංගොඩ කස්සප හිමියන්, පූජ්‍ය ත්‍රිකුණාමලය සුඛිතවංශ තිස්ස හිමියන් සහ පූජ්‍ය නන්ද හිමියන්ද ඇතුළු 10 දෙනෙක් මෙලෙස අද යළි අධිකරණයට ඉදිරිපත් කළේය. මෙම පිරිස පසුගිය 9 වැනිදා ත්‍රිකුණාමලය මහේස්ත්‍රාත්

කැනඩාවේ බ්‍රිටිෂ් කොලොම්බියා (British Columbia) පළාතේ ඊසානදිග ප්‍රදේශයේ පිහිටි උසස් පාසලක ඊයේ (10) සිදුවූ වෙඩි තැබීමකින් අවම වශයෙන් පුද්ගලයින් දහදෙනෙකු මියගොස් ඇති බව විදෙස් මාධ්‍ය සඳහන් කරනවා. සැකකරු ද මියගොස් ඇති බවට විශ්වාස කරන බවයි එරට පොලිසිය පවසා ඇත්තේ. වෙඩි තැබීමෙන් පාසල තුළදීම පුද්ගලයින් 06 දෙනෙකු මියගොස් ඇති අතර, අසළ නිවසක දෙදෙනෙකු සහ රෝහල්ගත කිරීමේදී තවත් එක් අයෙකු මියගොස් ඇති බවයි විදෙස් මාධ්‍ය වාර්තා කළේ.  පීස් රිවර් සවුත් (Peace River South) පාසල් දිස්ත්‍රික්කය ඊ

හිටපු පාර්ලිමේන්තු මන්ත්‍රී අමරකීර්ති අතුකෝරළ සහ ඔහුගේ ආරක්ෂක නිලධාරියා පහරදී ඝාතනය කිරීමේ සිද්ධියට අදාළ නඩුවේ තීන්දුව අද (11) ප්‍රකාශයට පත් කිරීමට නියමිතය. ගම්පහ ත්‍රිපුද්ගල මහාධිකරණ විනිසුරු මඬුල්ල හමුවේ දීර්ඝ කාලයක් පුරා විභාග වූ නඩුවේ තීන්දුව එලෙස අද ප්‍රකාශයට පත් කිරීමට නියමිතය. නඩුවේ තීන්දුව ප්‍රකාශයට පත් කිරීම සඳහා පසුගිය 13 වනදා නඩුව කැඳවූ අවස්ථාවේදී තීන්දුව ප්‍රකාශයට පත් කිරීම අද දිනයට කල් තැබිණි. මහාධිකරණ ත්‍රිපුද්ගල විනිසුරු මඬුල්ලක් හමුවේ මෙම නඩුව දිර්ඝ කාලයක් පුර